MATEKA 24 KATI YA ZAIDI YA 60 WALIOTEKWA NA BOKO HARAAM WAACHIWA

Jeshi la Cameroon limeweza kuwaachia huru watu 24 waliokuwa wametekwa nyara na waasi wa kundi la Boko Haram.

Waasi wa Boko Haram hapo jana walivivamia vijiji kadhaa kaskazini mwa Cameroon na kuwateka nyara kiasi ya watu themanini, wengi wao wanawake na watoto katika mojawapo ya mashambulizi makubwa kufanywa na Boko Haram katika nchi hiyo jirani na Nigeria.

Msemaji wa jeshi la Cameroon Kanali Didier Badjeck amesema wanajeshi walifanikiwa kuachiwa huru kwa mateka 24 wakati walipowafuata waasi hao waliokuwa wakitoroka nao kuelekea Nigeria.

Boko Haram imewaua maelfu ya watu kaskazini mwa Nigeria tangu ilipoanzisha uasi na waasi hao wametanua uasi wao hadi nchi jirani za Cameroon na Niger.

 Chad imeyatuma majeshi yake katika nchi hizo kama sehemu ya juhudi za pamoja kupambana na Boko Haram.