AJALI YA GERMAN AIRWINGS ... PICHA ZAIDI ZAPATIKANA ..

 NDEGE YA GERMAN AIRWINGS 

Gazeti moja nchini Ujerumani na jarida la Ufaransa yameripoti kuwa yameona picha za video zilizopigwa kwa simu zinazoonyesha dakika za mwisho ndani ya ndege ya Germanwings iliyoanguka katika milima ya Alps wiki iliyopita. Picha hizo za video zinadaiwa kuwa zilipatikana kwenye programu ya kuhifadhi kumbukumbu yaani memory-card iliyopatikana eneo la tukio.

 Katika picha hizo abiria ndani ya ndege hiyo wanaonekana wakipiga kelele huku sauti ya rubani na jitihada za kutaka kufungua mlango ili aingie kuokoa ndege hizo zikisikika. 

Rubani msaidizi wa ndege hiyo, Andreas Lubitz,anayeaminika kuwa ndiye aliyesababisha ajali hiyo alikuwa ndani ya chumba cha ndege huku akiqwa amefunga mlango mwenzake asiingie.

UCHAGUZI MKUU NIGERIA .. >>

 

 

Huku nusu ya matokeo katika uchaguzi wa rais nchini Nigeria yakiwa yametangazwa, mgombea kutoka chama kikuu cha upinzani, Muhammadu Buhari, anaongoza dhidi ya rais aliye madarakani, Goodluck Jonathan.

Lakini majimbo ya kusini yenye idadi kubwa ya watu kama vile Lagos na Rivers bado hayajatangaza matokeo na mwandishi wa BBC mjini Abuja amesema mchuano bado ni mkali.

Tume ya uchaguzi imesema itaendelea kutangaza matokeo ya uchaguzi Jumanne asubuhi na kwamba matokeo ya mwisho yanatarajiwa kutolewa baadaye siku hiyo. Mwandishi wa BBC anasema yeyote atakayeshinda, litakuwa jambo la kushangaza iwapo mgombea atakayeshindwa hatatamka kuwepo kwa mbinu chafu

UHALIFU WA MITANDAO YA KIJAMII NA ADHABU ZAKE ...>> STOP .. usitumie vubaya social media watakukaanga ..

WAHALIFU wa mtandao pamoja na wasambazaji wa picha za utupu na ngono, wasambazaji wa taarifa za uwongo, za kibaguzi na matusi na watu wengine ambao wanafanya udanganyifu unaohusiana na kompyuta wametungiwa sheria kali ambayo itawafanya kwenda jela hadi miaka 10 au kulipa faini isiyopungua Sh milioni 50.

Miongoni mwa miswada ya sheria utakaowasilishwa bungeni na Serikali wiki hii mjini hapa, ni Sheria ya makosa ya mtandao ya mwaka 2015 ambayo imeainisha makosa mbalimbali yanayofanywa na wananchi katika kipindi hiki ambacho matumizi ya mtandao wa kompyuta yameongezeka.

Baadhi ya makosa yaliyoainishwa kwenye sheria hiyo ni kughushi kunakohusiana na masuala ya kompyuta, udanganyifu unaohusiana na kompyuta, ponografia za watoto, picha za utupu, matusi na ngono, makosa yanayohusiana na utambuzi, uwongo, ubaguzi, matumizi ya kibaguzi, mauaji ya kimbari na unyanyasaji kupitia mtandao wa kompyuta.

Katika sheria hiyo, mtu atakayesambaza ponografia ya watoto kupitia mtandao wa kompyuta atawajibika kulipa faini isiyopungua Sh milioni 50 au mara tatu ya faida iliyopatikana kinyume cha sheria au kifungo kisichopungua miaka saba jela au vyote kwa pamoja.

Mkosaji pia ataamriwa kumlipa mwathirika fidia. Kwa upande wa kusambaza picha za ngono, matusi, uasherati atalipa faini isiyopungua Sh milioni 30 au kwenda jela miaka 10 au vyote.

Lakini mtu atakayesambaza picha za utupu atalipa faini isiyopungua Sh milioni 20 au kwenda jela miaka saba au kutumikia adhabu zote kwa pamoja.

Pia kweye muswada huo mtu ambaye atatoa taarifa, data au maelezo kwa njia ya picha, maandishi, alama au aina nyingine yoyote zikiwa ni za uongo akipatikana na hatia atalipa faini isiyopungua Sh milioni 3 au kutumikia kifungo jela kisichopungua miezi sita au vyote.

Kwa upande wa ubaguzi, sheria hiyo inakataza mtu kutumia mtandao wa kompyuta kutozalisha vitu vya kibaguzi kwa madhumuni ya kuvisambaza na iwapo atatiwa hatiani atalazimika kulipa faini ya Sh milioni tatu au kifungo cha mwaka mmoja jela.

Pia mtu akimdhihaki mtu mwingine kwa kupitia mfumo wa kompyuta kwa mwelekeo wa ubaguzi wa rangi, kabila, asili, utaifa au dini fulani akitiwa hatiani atatozwa na Mahakama faini ya Sh milioni tatu au kifungo cha mwaka mmoja jela au vyote kwa pamoja.

Pia sheria hiyo inakataza mtu kuchapisha au kusababisha kuchapishwa vitu vinavyochochea au kuhalalisha matendo yanayopelekea mauaji ya kimbari na makosa dhidi ya binadamu kwa kupitia mtandao wa kompyuta.

Mtu atakayefanya hivyo atakuwa ametenda kosa na akitiwa hatiani atawajibika kulipa faini isiyopungua Sh milioni 10 au kutumikia kifungo kisichopungua miaka mitatu au vyote kwa pamoja.

Pia muswada huo wa sheria unakataza mtu kutoanzisha usambazaji wa taarifa zinazotumwa bila ridhaa na ukitiwa hatiani utatozwa faini ya Sh milioni 3 au mara tatu ya faida iliyopatikana kinyume cha sheria au kutumikia kifungo kisichopungua mwaka mmoja au vyote kwa pamoja.

MTANZANIA AKAMATWA KWA UGAIDI KENYA ..>>

Vyombo vya usalama nchini Kenya, vinawashikilia wasichana watatu akiwamo Mtanzania, kwa kile kunachodaiwa kutaka kujiunga na kundi la kigaidi la al-Shabaab huko Somalia.
                               

Taarifa kutoka kwa Kamishna wa Polisi Jimbo la El -Wak, mpakani mwa Kenya na Somalia, Nelson Marwa amesema Mtanzania aliyekamatwa, alijieleza kuwa ni mwanafunzi wa Chuo Kikuu cha Kimataifa cha Afrika, Sudan.

 Mtanzania huyo, Ummul-Khayr Sadir Abdul (19), mwenyeji wa Zanzibar, anatajwa kuwa kiongozi wa kundi hilo lililopanga kujiunga na al-Shabaab.

 Wasichana wengine waliokamatwa pamoja na Ummul-Khayr, ni Maryam Said Aboud na Khadija Abubakar Abdulkadir wote raia wa Kenya.

“Hawa wasichana watatu, inaaminika kuwa walikuwa wanakwenda Somalia kupata mafunzo ya kigaidi na baadaye kufanya mashambulizi ya kujitoa mhanga,” alisema Kamishna Marwa.

Akizungumzia suala hilo, Kaimu Mkurugenzi wa Makosa ya Jinai, DCI Diwani Athumani alisema: “Tunafuatilia hatujapokea taarifa zaidi ya hizo.”

Kamishna Marwa alisema raia hao  wawili wa Kenya, mmoja  ni mwanafunzi wa Chuo Kikuu cha Mount Kenya kilichopo Thika, Jimbo Kiambu na mwingine ni mwanafunzi wa Sekondari ya Burhania, iliyopo Malindi, Kilifi.

“Serikali imepata taarifa kuhusu watu wanaokusanya watu kutoka Afrika Mashariki ili wakajiunge na makundi ya  ugaidi nchini Somalia, wakala wetu wa usalama wamepata taarifa hizo na kufanikisha kukamatwa kwa wasichana hao,” alisema Kamishana Marwa.

Hivi karibuni, tovuti ya al-Jazeera ilitoa taarifa za kukamatwa kwa mkanda wa video ulioonyesha mwakilishi wa kundi la kigaidi la Dola ya Kiislamu ya Iraq na Levant (ISIL) akimtaka kiongozi wa kundi la al-Shabaab kuliimarisha kwa kufanya mashambulizi ya kigaidi katika miji ya  Mwanza na Dar es Salaam.

 Kamishna Marwa alisema ingawa nyaraka za wasichana hao zote zinaonyesha kuwa ni wanafunzi, lakini bado walibanwa  kwa maswali kuhusu sababu inayowapeleka nchini Somalia.

Aliongeza zaidi kuwa chanzo cha habari cha kiusalama kilieleza kuwa nyaraka za wasichana hao zilionyesha kuwa walikuwa wakienda kuolewa na wanajeshi wa kundi la al-Shabaab.

LUDA na DRAKE .. 100 - 100 SASA

                     

 NYOTA wa Hip Hop nchini Marekani, Christopher Brian ‘Ludacris’ na mkali kutoka kundi la Young Money, Aubrey Drake, wamemaliza ugomvi wao wa miaka mitano.

“Binadamu hatujakamilika, mimi na Drake tulikuwa na mambo yetu, akiwa kama binadamu alikuja kwangu na kuomba msamaha tumeyamaliza.

“Tulikuwa na mgogoro kwa kipindi cha miaka mitano, halikuwa jambo zuri na ndio maana kila kitu kipo sawa kwa sasa.
“Vijana wengi hawapendi kukubali kosa, lakini mtu mwenye akili timamu anatakiwa kukubali na kuchukua hatua,” Alisema Ludacris.
Chanzo cha ugomvi wao hakukiweka wazi huku akiwataka mashabiki wao kusubiri wimbo wao walioshirikiana

NGASA , SAMATHA WAMLIZA KOCHA MALAWI ...>>

    

Kocha wa timu ya Taifa ya Malawi, Chimozi Yangi amesema Tanzania ina wachezaji wawili hatari na ndiyo waliowasumbua katika pambano hilo na kutamka wazi kuwa Mbwana Samata na Mrisho Ngassa ndiyo waliofanya pambano hilo kuwa gumu kwao haswa kipindi cha pili.
                              

Malawi na Stars zilicheza juzi jijini hapa kwenye Uwanja wa CCM Kirumba na kutoka sare ya bao 1-1m huku bao la dakika ya 76 la Samata likifuta ndoto ya Malawi kuondoka na ushindi katika mchezo huo wa kimataifa wa kirafiki wa kalenda ya Shirikisho la Soka la Kimataifa (Fifa).

Yangi alisema waliwathibiti Stars haswa kipindi cha kwanza katika pambano hilo, lakini kuingia kwa Ngassa mambo yakawa magumu kwao kutokana na mchezaji huyo kuleta usumbufu langoni mwao, kitu kilichochangia kwa Stars kupata bao la kusawazisha.

Alisema japo mwanzo Samata peke yake alikuwaakiwasumbua lakini alipata upinzani kutoka kwa safu yake ya ulinzi jambo lililofanya ashindwe kufurukuta hadi alipoingia Ngassa.

“Huyu Samata na Ngassa kwa kweli walitupa kazi kubwa uwanjani japo mwanzo alipokuwepo Samata peke yaketuliweza kumthibiti, lakini alipoingia huyu mwenzake kazi ikawa kubwa ndiyo maana walipata bao la kusawazisha,” alisema Yangi.

Kwa upande wake, Samata alisema Malawi ni timu nzuri kutokana na kuwa na wachezaji wengi wa kulipwa na katika pambano hilo, nahodha Joseph Kamwendo anayekipiga naye TP Mazembe ndiye aliyewasumbua katika pambano hilo.

“Kamwendo tuko naye pale Mazembe, ametupa tabu sana leo katika hili pambano japo tuliweza kumthibiti asilete madhara makubwa,” alisema Samata.

BALOZI AIPA YANGA MAUJANJA YA PLATINUM ... >>

Balozi wa Tanzania nchini Zimbabwe, Adadi Rajabu amesema wapinzani wa Yanga katika Kombe la Shirikisho Afrika, FC Platinum sasa wanafanya mbinu zote usiku na mchana kuhakikisha wanashinda mchezo huo wa marudiano.
                              

Balozi Rajabu yuko jijini Arusha akishiriki kongamano la tatu la viongozi vijana barani Afrika linalowashirikisha zaidi vijana 400 kutoka nchi za Afrika na China lililofunguliwa juzi na Rais wa Zimbabwe, Robert Mugabe.

Akizungumza na gazeti hili jana, balozi Rajabu alisema kipigo cha mabao 5-1 ilichopata Platinum kimewaacha midomo wazi Wazimbambwe kutokana na ubora wa timu hiyo.

Alisema nchi hiyo kwa sasa inajadili kipigo hicho na taarifa alizonazo kwa sasa, FC Platinum kwa kushirikiana na Serikali ya Zimbabwe inatengeneza mazingira ya kuhakikisha mchezo wa marudiano Yanga wanafungwa.

“Kipigo cha Yanga kule Zimbabwe wanakiita janga na wengi hawaamini, hivyo wamejipanga kuhakikisha wanarudisha heshima yao kwa kushinda mchezo huo wa marudiano,” alisema balozi huyo.

Aliongeza kuwa amepata taarifa kuwa washambuliaji wawili wa Platinum hawakucheza mechi ya kwanza kutokana na kuwa majeruhi, lakini kwa sasa wamerejea kikosini na wako kambini wanajifua.

“Kocha wa FC Platinum, Norman Mapeza ni miongoni mwa watu wa heshima na wanaoaminiwa na serikali, hata yeye amekuwa akisugua kichwa kuhakikisha anajenga heshima yake katika mchezo wa marudiano,” alisema Balozi Rajabu.

Kocha Yanga ajigamba

Kocha wa Yanga, Hans Pluijm amesema timu yake ina uwezo wa kupambana na klabu yoyote Afrika na itashangaza kwenye Kombe la Shirikisho inaloshiriki.

Kabla ya hapo, Yanga iliiondoa BDF X1 ya Botswana na kama ikiiondosha Platinum itakutana na mshindi kati ya Etoile du Sahel ya Tunisia au Benfica de Luanda ya Angola.

Pluijm alisema ana uzoefu na mashindano ya Afrika na anaamini ana kikosi bora kitakachoshangaza wengi katika mashindano ya mwaka huu.

“Sasa hivi tunajiandaa na mchezo wa marudiano dhidi ya Platinum, niseme tu kuwa ni kama tumevuka nusu na tunakwenda kumaliza kazi Zimbabwe, na naamini tutashinda mechi hiyo.

KIMENUKA JUZI ZNZ .. KINOOOOMA .. NI SHEEEDAH SIASA ZNZ ..! >>

                                                                   Zanzibar

HALI ya usalama visiwani Zanzibar imechafuka baada ya wafuasi wa Chama cha Wananchi (CUF), kuvamiwa na kupigwa na watu wanaodaiwa kuwa wanachama wa Chama Cha Mapinduzi (CCM).
Kutokana na vurugu hizo, watu 25 waliokuwa wakitokea katika mkutano wa CUF uliokuwa unafanyika Makunduchi, Wilaya ya Kusini Unguja wamejeruhiwa, huku wanne kati yao wakilazimika kuhamishiwa Hospitali ya Taifa Muhimbili jijini Dar es Salaam kwa matibabu zaidi.
Akithibitisha kutokea kwa tukio hilo, Kamanda wa Polisi Mkoa wa Kusini Unguja, Saadi Juma Khamis, alisema tukio hilo lilitokea juzi saa 1:30 usiku katika maeneo ya Fuoni ambapo watu waliokuwa wamejificha pembeni mwa barabara walianza kuwashambulia wafuasi hao wa CUF waliokuwa katika gari mbili aina ya Fuso zenye namba za usajili Z 279 EH na Z 678 GB.

 Kamanda Saadi alisema kwa mujibu wa taarifa za awali za jeshi hilo, wahalifu hao baada ya kufanya shambulizi la kushtukiza walitokomea kusikojulikana ambapo majeruhi walipelekwa katika Kituo cha Polisi Mwanakwerekwe kupewa fomu namba tatu kwa ajili ya matibabu.
“Majeruhi wa tukio hili wameumia katika sehemu mbalimbali za miili yao ikiwamo kuvunjika taya, mikono na hata kutobolewa macho.
“Watu wote waliopatwa na mkasa huu wapo katika Hospitali ya Mnazi Mmoja kwa matibabu zaidi,” alisema Kamanda Saadi.
Alisema baada ya Jeshi la Polisi kupata taarifa za tukio hilo, wameanza upelelezi ili kuweza kuwabaini wahalifu wa tukio hilo na kuwafikisha katika vyombo vya sheria.

 Kamanda Saadi aliwataja majeruhi kuwa ni Omar Salum, Khamis Juma Khamis, Khatib Khamis, Salum Abdalla Mtumwa, Mariam Juma Mohamed, Ali Shaame Mohamed, Hemed Salum Hemed, Khan Khali Gharib, Hamad Ali Hamad na Abdillah Abas Khamis.

 Wengine ni Mohamed Salum Mbarouk, Said Hamad Hassan, Makame Nassour na Masoud Mohamed Tahir ambao wote ni wafuasi wa CUF Zanzibar.

MAALIM SEIF: HATUJIBU MAPIGO

Kwa upande wake, Katibu Mkuu wa CUF, Maalim Seif Sharif Hamad, alisema pamoja na wanachama wake kufanyiwa unyama huo, katu chama chake hakitajibu mapigo dhidi ya watu hao.
Alisema badala yake wanaendelea kufanya siasa za kistaarabu kwa kujenga hoja.
Maalim Seif alitoa kauli hiyo jana mjini Unguja baada ya kuwajulia hali majeruhi wa tukio hilo ambapo aliituhumu CCM kuhusika na mkakati huo kwa kupandikiza chuki kwa vijana ili waweze kufanya uhalifu huo.
“Hivi sasa CCM haifanyi siasa za kistaarabu bali wameamua kufanya hujuma na ukatili wa kupindukia juu ya CUF jambo ambalo si malengo ya kuanzisha Serikali ya Umoja wa Kitaifa (SUK).
“CUF hatuchokozeki japo wenzetu wanaandaa mbinu mbalimbali ili tuweze kuingia katika vurugu na tunachowambia ni kwamba haya yote wanayoyafanya mwisho wake ni mwaka huu,” alisema,
Maalim Seif ambaye pia ni Makamu wa Kwanza wa Rais wa Serikali ya Umoja wa Kitaifa, alisema CUF haitojibu mashambulizi ya aina yoyote, ila kwa sasa wanajipanga kuindoa CCM madarakani Oktoba mwaka huu.

“Natumia fursa hii kuwataka vijana wetu wa CUF wasifanye vurugu wala kulipiza kisasi, bali waendelee kushikamana na kuheshimu sheria huku wakijipanga kuiweka CUF serikalini mwaka huu,” alisema Maalim Seif.

 Mmoja wa majeruhi, Ali Shaame Mohamed (28), alisimulia tukio hilo na kusema baada ya kufika katika eneo la Fuoni waliona gari aina ya Fusso likitokea pembeni yao na kuanza kurushiwa unga uliokuwa na chupa zilizosagwa.

 Alisema watu waliokuwa katika gari hilo wakiwa na mapanga, marungu, chupa, nondo na mawe ambao walianza kuwapiga.
“Wale vijana baada ya kushuka katika gari lao walituzingira na kuanza kutupiga kwa mapanga na marungu, lakini hata leo hii kuwa hai ni kwa mapenzi ya Mungu,” alisema Ali.
Awali katika mkutano uliofanyika juzi Makunduchi, Naibu Katibu Mkuu wa CUF Zanzibar, Nassor Ahmed Mazrui, alitoa taarifa jukwaani kwa kulitaka Jeshi la Polisi kuwadhibiti vijana waliokuwa wameandaliwa kufanya tukio hilo.

YA GWAJIMA .. NA MBWE MBWE ..!

 

SIKU chache baada ya Askofu wa Kanisa la Ufufuo na Uzima, Josephat Gwajima kukamatwa na kuhojiwa na polisi na hatimaye kuzimia, utata mpya umeibuka juu ya kiongozi huyo wa kiroho.
 
Utata huo unahusu uraia, historia yake, utajiri na umiliki wa silaha ambayo Jeshi la Polisi Kanda Maalumu ya Dar es Salaam linadai haina kibali huku yeye akidai ana vibali vyote.
 
Hali hiyo imeibuka huku nyuma ya pazia kukiwa na sintofahamu juu ya hatima yake.
Ingawa Askofu Gwajima, amelazwa Hospitali ya TMJ kwa siku ya tano leo, bado anaendelea kushikiliwa na polisi kwa tuhuma za kutoa lugha chafu dhidi ya Askofu wa Kanisa Katoliki Jimbo Kuu la Dar es Salaam, Mwadhama Polycarp Kardinali Pengo.

AHOJIWA KWA STAILI YA FBI

Baada ya kujisalimisha polisi Machi 27, mwaka huu, Askofu Gwajima anadaiwa kuhojiwa kwa staili ya Shirika la Upelelezi la Marekani (FBI).
Inaelezwa alihojiwa na makachero tofauti waliokuwa wakipishana katika chumba cha mahojiano na ambao wanaonekana kubobea katika taaluma hiyo.
Wakati akidhani mahojiano yamemalizika, inadaiwa waliingia maofisa wengine kumhoji maswali tofauti tofauti, mtindo ambao unatumiwa zaidi na wapelelezi wa FBI.
Hatua hiyo, pia inadaiwa kuchangia kuzimia kwake ambapo awali alidhani mahojiano yangekuwa ni kuhusu kumkashifu Kardinali Pengo tu.

KULAZWA HOSPITALI

Kabla ya kulazwa katika Hospitali ya TMJ, Askofu Gwajima alipelekwa katika Hospitali ya Polisi Kurasini na baadaye Hospitali ya Taifa Muhimbili (MNH) ambapo yeye na wafuasi wake waligoma na kutaka atibiwe TMJ ambapo kuna daktari wake maalumu.

URAFIKI NA WANASIASA
 
Askofu Gwajima, kwa muda sasa amekuwa rafiki wa wanasiasa mbalimbali nchini wakiwamo wa vyama vya upinzani, chama tawala, wastaafu pamoja na baadhi ya mawaziri walioko ndani ya Serikali ambao hukutana faragha, hadharani na wengine hushiriki katika ibada kanisani kwake.
Baadhi ya wanasiasa wa upinzani tayari wamemtembelea hospitalini alikolazwa.

UTATA SAKATA LA DK. ULIMBOKA
 
Sura ya pili ya Askofu Gwajima, ilianza kuonekana mwaka 2012, baada ya kanisa lake kuingia katika utata na sintofahamu baada ya kijana aliyedaiwa kumteka na kumtesa, Mwenyekiti wa Jumuiya ya Madaktari Tanzania, Dk. Steven Ulimboka kukamatwa na polisi.
 
Polisi walimkamata kijana huyo kwa kile kilichodaiwa kujisalimisha kwenye kanisa la Askofu Gwajima ambalo alikwenda kutubu kosa la kumshambulia Dk. Ulimboka.
 
Mtuhumiwa huyo, Joshua Mlundi, raia wa Kenya alikiri kuhusika kumteka na kumtesa Dk. Ulimboka akiwa na wenzake 12 waliokodiwa na mtu aliyehisi anatoka serikalini.
 
Hata hivyo, Askofu Gwajima alisema Mlundi hakwenda kanisani hapo kutubu, bali alitaka kumuona kiongozi huyo wa kiroho baada ya kumweleza kuwa alikuwa na tatizo la kuropoka.

MAISHA YA KITAJIRI

Askofu Gwajima ni kiongozi wa kiroho mwenye ukwasi pengine kuliko wote nchini.
 
Anadaiwa anamiliki helikopta yake mwenyewe, gari la kifahari aina ya Hummer lenye thamani ya Sh milioni 250 na nyumba ya ghorofa nne maeneo ya Mbezi Beach, jijini Dar es Salaam.
 
Pamoja na kumiliki vitu hivyo, Askofu Gwajima amewanunulia wachungaji wake magari 30, kila mmoja gari zuri la kutembelea wakati wa kueneza injili.
Pia, amewanunulia waumini wake mabasi 20 ya kuwapeleka kanisani na kuwarudisha makwao siku za ibada na wakati wa maombi maalumu.
 
Pia anamiliki shamba la mifugo wilayani Sengerema mkoani Mwanza.
Katika kanisa lake, Askofu Gwajima amefunga spika maalumu zenye nembo ya ‘JG’ yaani Josephat Gwajima ambazo amezinunua nchini Marekani kwa oda maalumu.

KAULI TATA ZA GWAJIMA

Mwaka jana wakati wa mlipuko wa ugonjwa wa Dengue, Askofu Gwajima alikaririwa akisema hakuna ugonjwa kama huo isipokuwa umetengenezwa ili watu wajipatie fungu kutoka serikalini.
 
Alisema mbu aina ya Ades anayeeneza ugonjwa huo, alikuwapo tangu siku nyingi lakini hakuwa na madhara hadi baadhi ya viongozi ambao hakuwataja walipoutangaza na kuwalipa watu ili watangaze wameambukizwa ugonjwa huo.

URAIA NA HISTORIA YAKE

Suala la uraia wa Askofu Gwajima limekuwa mjadala kwa baadhi ya Watanzania, wakionyesha shauku ya kutaka kujua historia ya maisha yake.
Vyanzo mbalimbali ikiwamo mitandao ya kijamiii ya ‘twitter’, ‘facebook’ na tovuti yake, vimebainisha kuwapo kwa sintofahamu nyingi kuhusu asili yake.
 
Katika tovuti yake, Askofu Gwajima ambaye alianzisha kanisa lake mwaka 1994, hakutaja jina la kijiji alichozaliwa ingawa anasema alizaliwa mwaka 1970 mkoani Mwanza.
 
Katika tovuti yake hiyo, ameelezea historia yake akisema ni mtoto wa 12 katika familia yao ambayo iliishi katika kijiji ambacho hakikuwa na kanisa.
 
Anasema katika tovuti yake kuwa alipatwa na maradhi ya kupooza akiwa na umri wa miaka 10.
 
Alitaja sababu iliyosababisha apooze kuwa ni ajali ambayo hakuibainisha ni ya aina gani, ingawa anasema alikaa kitandani kwa muda wa miaka sita na kupoteza matumaini ya kupona.
 
Hali hiyo, anaelezea ilisababisha madaktari wathibitishe kuwa asingeweza kurejea katika hali yake ya kawaida, lakini alipona baada ya kutokewa na Yesu na kumponya hali iliyomfanya ampe maisha yake kuanzia siku hiyo.
 
Kuhusu elimu yake, askofu huyo anasema amesomea masuala ya Biblia jijini Nairobi nchini Kenya katika shule ya East Africa Pastorial Theological. Hata hivyo, hajaeleza kiwango chake cha elimu alichopata.
 
Baada ya kuhitimu alianza kufanya kazi ya kumtumikia Mungu ambapo alifungua kanisa katika Jiji la Mwanza, mji mdogo wa Mugumu uliopo Serengeti, Musoma na Dar es Salaam.
 
Kwa sasa anaongoza makanisa mengi ndani na nje ya Tanzania.
Gwajima ni mume wa mchungaji Grace ambaye amezaa naye watoto watatu ambao ni Ruth, Freeman na Manase.
 
Amefanikiwa kuhubiri katika nchi mbalimbali za Afrika, Marekani, Uingereza, Uswisi, Japan, Korea Kusini, Ujerumani, China na nyinginezo.
 
Askofu huyo ambaye amejipatia sifa kutokana na staili yake anayodai kwamba anafufua wafu, alitangaza kupata Shahada ya Uzamivu (Phd) kutoka Chuo Kikuu cha Omega Global nchini Afrika Kusini na sherehe yake ilifanyika Hoteli ya Ubungo Plaza jijini Dar es Salaam.

KAKA YAKE AJITOKEZA

Methusela Gwajima, aliyejitambulisha kuwa ni mdogo wa Askofu Gwajima amejitokeza na kusema kuwa asili yao ni Kijiji cha Koromije Kwimba, Mwanza.
Alisema kwa sasa familia ya mchungaji huyo ipo jijini Mwanza eneo la Mkolani ambako alisema yuko mama yake mzazi na baba yake yuko jijini Dar es Salaam kwa ajili ya matibabu.

 Akizungumza na waandishi wa habari Dar es Salaam jana, Methusela alisema ingawa mdogo wake anaumwa, lakini anamtaka amwombe radhi Kardinali Pengo kwa njia alizozitumia kuwasilisha ujumbe wake wakati akimchafua.

MADAI YA KUTOROSHWA

Juzi, Kamanda wa Kanda Maalumu ya Dar es Salaam, Kamishna Suleiman Kova alitoa taarifa kwa vyombo vya habari akidai kukamata watu 15 wakitaka kumtorosha Askofu Gwajima.

 Kamanda Kova alidai watu hao walifika hospitalini saa 9:30 usiku kwa lengo hilo.
Alisema walipekuliwa na kukutwa na begi ambalo lilikuwa na bastola aina ya Berreta yenye namba CAT5802 ikiwa na risasi tatu, risasi 17 za shotgun na vitabu viwili vya hundi za benki.

 Vitu vingine ni hati ya kusafiria yenye jina la Gwajima Josephat Mathias yenye namba AB 544809, kitabu cha hundi cha Benki ya Equity pamoja na nyaraka mbalimbali za Kampuni ya Puma, chaja ya simu, tablets, suti mbili na nguo za ndani.

GWAJIMA AIBUKA

Jana, Askofu Gwajima alivunja ukimya baada ya kukanusha taarifa za yeye kudaiwa kutaka kutoroshwa na wafuasi wake 15.

 Alisema bastola iliyokutwa katika begi lililochukuliwa wodini kwake, anaimiliki kihalali kwa ajili ya kujilinda na si vinginevyo.

 Akizungumza na waandishi wa habari wodini alikolazwa, Askofu Gwajima alisema ameshangazwa na taarifa zilizoandikwa katika vyombo vya habari kwamba wafuasi wake walitaka kumtorosha.

“Juzi baada ya kupata taarifa zilizoandikwa kwenye mitandao ya kijamii kuwa nimefariki dunia, maaskofu wenzangu walikuja kuniona na kunishauri niachane na taarifa hizo huenda zilikuwa na lengo maalumu.

“Baadaye nikawaambia wachungaji wangu waende nyumbani kwangu na kuchukua begi lililokuwa chumbani ambapo ndani yake palikuwa na baadhi ya nguo pamoja na bastola na nyaraka za umiliki wa silaha hiyo pamoja na vitu vingine.

“Walifikisha begi na kuliweka hapa wodini nilikolazwa, lakini walitokea watu ambao walijitambulisha kuwa ni askari na kuomba mzigo ulioingizwa ndani na hapakuwa na ushindani nikawapa,” alisema Askofu Gwajima.
AZUNGUMZIA KUZIMIA KWAKE

Akizungumzia kuzimia kwake alipokuwa akihojiwa na polisi, alisema awali alitoa taarifa kwa askari hao kwamba alikuwa anaumwa kichwa, lakini hakusikilizwa wala kupatiwa huduma yoyote.
Hata hivyo, alisema hana mgogoro wowote na Kardinali Pengo na kwamba kilichotokea alikuwa katika kazi yake ya kukemea.
TAARIFA MBILI ZA KAMANDA KOVA
Awali Kamishna Kova alisema bastola yenye namba CAT 5802 iliyokutwa kwenye begi la Askofu Gwajima haina umiliki wa mtu yeyote.
Alisema kutokana na hali hiyo, Jeshi la Polisi linaendelea na uchunguzi ili kubaini kwanini Askofu Gwajima alikuwa akimiliki silaha kinyume cha sheria.

 Alisema wanasubiri atoke hospitali ili waendelee kumhoji zaidi.

 Baadaye jana jioni, Kova alituma taarifa nyingine kwa vyombo vya habari akisema uchunguzi wa kina na wa kitaalamu umethibitisha silaha hiyo inamilikiwa kihalali na Askofu Gwajima.
Alisema risasi 17 za bunduki aina ya Shotgun yenye namba 102837 zinamilikiwa kihalali.

MAASKOFU KUMWONA IGP

Katika hatua nyingine, maaskofu na wachungaji kutoka makanisa ya Kipentekoste zaidi ya 100 leo wanatarajia kwenda kumwona Mkuu wa Jeshi la Polisi (IGP), Ernest Mangu ili kujadili suala la Askofu Gwajima.

 Akisoma tamko hilo kwa niaba ya wenzake, Askofu Damasi Mukassa kutoka Dodoma alisema wanakwenda kumwona IGP Mangu kwa ajili kuwataka watumie weledi na uadilifu kushughulikia suala hilo.

MUENDESHA MASHTAKA NCHINI UGANDA AUWAWA ..>>

 

 

Watu wenye silaha wamemuua mwendesha mashitaka mkuu katika kesi ya watuhumiwa wa Kiislam wanaotuhumiwa kuua watu kadha katika mashambulio ya bomu mwaka 2010.

Mwendesha mashitaka huyo Joan Kagezi ambaye alikuwa kaimu mkurugenzi mwendesha mashitaka msaidizi nchini Uganda ameuawa kwa kupigwa risasi na watu waliokuwa katika pikipiki wakati akiendesha gari kurudi nyumbani mjini Kampala.

Kesi inayoendelea inawahusu watu kumi na watatu wanaotuhumiwa kuwa wapiganaji wa kikundi cha al-Shabaab.

Wanatuhumiwa kuua watu zaidi ya sabini wakati wakiangalia Fainali za Kombe la Dunia za mwaka 2010 katika mgahawa mmoja na katika uwanja wa klabu ya rugby.
Wiki iliyopita Marekani ilisema ilipata "habari za kuwepo uwezekano wa shambulio" katika maeneo ya mji ambayo raia wa mataifa ya magharibi wanakutana.

Serikali ya Uganda imesema Marekani ilionya juu ya uwezekano wa kuwepo kwa mtu anayejitoa mhanga akijaribu kuingia nchini humo.

Msemaji wa serikali amesema Uganda ilikuwa katika kitisho kwa sababu imechangia askari wengi katika jeshi la Umoja wa Afrika linalolinda amani nchini Somalia wakipambana na kundi la al-Shabab ndani ya Somalia.

REPOA MARKS ITS 20 YEARS ANNIVESARY .. PINDA URGES TO REDOUBLE ITS DADICATE RESEARCH ..>>

 

 

THE government of Tanzania has finally indicated that it does indeed recognize the importance of the Policy Research for Development institution – formerly Research for Poverty Alleviated (RePOA) – and showered praise upon it for its tirelessness contribution to the economy in terms of developmental researches.

 

These remarks were made by the Prime Minister of Tanzania, Mizengo Pinda, when officiating at a  a-two-day Workshop in Dar es Salaam whose theme was ‘Harnessing Natural Resources for Socio-economic Transformation.’

 

The occasion – which was also a function to mark 20 years since RePOA's inception – attracted a considerable number of researchers and other experts in natural resources, ranging  from agriculture and mining in general, to oil and natural gas.

 

One notable participant, Prof. Anthony James Venables, an Economist from the Oxford University (UK), propounded upon  how Tanzania could benefit from the abundant natural resources it is endowed with by Mother Nature and Father Time.

 

Noting that “serious investment in agriculture” could take the nation to higher socio-economic development levels, Prof. Venables said explained that, obviously, agriculture could account for a variety of 'products,' including enough food for  the people, with surpluses for export as processed, value-added products.

 

The good professor also pointed out that the recently discovered natural gas at Songosongo (Kilwa) and Mnazi Bay (Mtwara) has the potential to vastly transform Tanzania economically and socially – but stressed that “the people of Tanzania should be patient for sometime, as it would take time to realize the expected results!”

 

In his welcoming remarks, the RePOA Executive Director, Prof. Samuel Wangwe, said that, even as his organization marks its 20th anniversary this year, there have been a number of challenges that they have faced over the years.

 

 

 

As the chief guest at the function, Premier Pinda, said that RePOA – which is “a leading social and economic research think tank established in 1995, has done much for this nation! 

 

“The main objective of the workshop,” Pinda said, “is to promote policy dialogue based on evidence from research on matters related to the management of natural resources in ways that promote transformation of the country’s economy to achieve inclusive development.

 

“Inclusive development will be attained only if the majority of citizens benefit now and in the future,” he noted.

 

Expounding on the Workshop, the Prime Minister said participants would be made to understand upstream characteristics of natural resources, and what they entailed in terms of government choices on investment types and levels, the choice of fiscal regimes and on ways to minimize risks among key stakeholders.

 

 

Issues which were deliberated upon included implications of extraction or exploitation of natural resources, and alternative mechanisms available for optimal revenue and fiscal management, linkages between exploitation of natural resources and economic and social development.

 

All that includes employment, supply networks, technology transfer, environmental management,  prospects, constraints and opportunities available for individuals and enterprises across natural resource value chains in Tanzania.

 

Participants  explored options available for Tanzania to avoid the risk of turning into a renter state, as well as the degeneration of democracy and the rule of law.

 

Discussants explored strategies and means through which the country’s resources wealth can be shared directly and inclusively with citizens, giving priority to the most vulnerable and socially unprotected groups of people.

 

As per day one of the conference, experts and specialists came up with answers to frequently asked questions.. For instance:  how long does it take to ensure that development and utilization of our natural resources generate benefits that are lasting – and inclusive to the entire society of Tanzania?  

 

Under what conditions can we promote development of and integration of Small and medium-sized enterprises (SMEs) in local supply? How will the chains ensure their participation in the value chains of natural resources in a robust and sustainable manner? Why has the wealth of natural resources in Tanzania failed to stimulate rapid industrialization?

 

Are the current settings in the socio-cultural and political economy right for achieving rapid industrialization using our natural resources wealth? Should Tanzania focus more on a domestic natural gas industrial base or a natural gas export-based economy?

 

Does this dichotomy matter for Tanzania? Is paying the resource revenue directly to citizens as a small basic income grant and/or affordable small loan effective in ensuring specific needs for specific groups of people are met and for inclusive social and economic growth?

 

Among other things, the discussions evolved practical models and experiences that are to ensure that exploitation of the country’s abundant and unique natural resources – including natural gas, oil, minerals, etc – for the benefit of millions of Tanzanians.

 

TANZANIA NAMED SOURCE OF COUNTERFEIT ..>> SOMA HAPA MZUNGU

Tanzania together with Nigeria and Ivory Coast were named as three major sources of manufacturing counterfeit electrical products in Africa.

 

The findings of the recent survey conducted by Schneider Electric on counterfeit electrical products in Africa has said China remain the major source of counterfeit products entering in Africa.

 Counterfeiting of most common electrical products is widely spread in all African countries, representing 40 per cent to 80 per cent of their markets

 

The surveyed products include Cables, breakers, sockets, switches and extension cords, are the five most counterfeit electrical products (in that order).

“China remains the main source of electrical counterfeit goods entering the continent (75% of the answers) followed by the rest of Asian countries. Locally manufactured counterfeits originate mostly from Tanzania, Nigeria and Ivory Coast,” says the survey findings.

 

 The survey took place in eleven African countries: Cameroon, Republic of the Congo, Democratic Republic of the Congo (DRC), Ghana, Guinea, Ivory Coast, Kenya, Nigeria, Tanzania and Uganda. More than 500 "high level" officials and professionals were contacted by 37 African trained investigators. They answered a total of 8.185 questions.

 

“For the first time, all stakeholders of the African electrical market will be able to move forward, based on a solid picture of reality”, says Tracy Garner, Anti-Counterfeiting Global Manager.

 

“Now, having measured the impact of counterfeits on African economies and users’ safety, the urgency to act is real. Schneider Electric is committed to do its best in answering professionals’ demands and expectations expressed in the survey”, concludes Tracy.

MAJERUHI WA MAANDAMANO YA AMANI YA WANACHAMA WA CUF ... ZANZIBA JANA USIKU

UCHAGUZI WA NAIJERIA ..>>

 

 

Mkuu wa Tume Huru ya Uchaguzi nchini Nigeria amesema anatumaini kumtangaza mshindi wa uchaguzi wa rais nchini humo ifikapo Jumatatu jioni.

Upigaji kura uliendelea katika siku ya pili ya uchgaguzi baada ya kutokea hitilafu katika kadi za kielektroniki na kuchelewesha usajili wa baadhi ya wapiga kura.

 

Mama akipiga kura nchini Nigeria

Kauli hiyo imetolewa na mwenyekiti wa Tume Huru ya Uchaguzi, INEC, Attahiru Jega. "Tumaini letu na ambalo tumekuwa tukilifanyia kazi kwa bidii ni kuweza kutangaza matokeo ya uchaguzi ndani ya saa arobaini na nane na tunatumaini muda mchache zaidi kuliko ule wa mwaka 2011. Imeanza kutoka saa 48 baada ya uchaguzi kumalizika jana. Kwa hiyo tumeanza kuhesabu saa arobaini na nane kwa kweli kutoka jana jioni wakati idadi ya kutosha ya majimbo yalipofanya uchaguzi."

Bwana Jega amesema alitumaini jumuia ya kimataifa inaweza kupongeza namna Nigeria ilivyoendesha uchaguzi."Tunaamini tumefanya vizuri kabisa. Hatuwezi kupuuza changamoto tulizokumbana nazo. Ni hakika haukuwa kamilifu lakini tunaamini kwa ujumla tumefanya vizuri sana, japokuwa bado tunayo nafasi ya kuzidi kuuboresha. Na kwa namna yoyote ndiyo maana tuliwaalika waangalizi vikiwemo vyombo vya habari na waangalizi wengine wa uchaguzi, ili kuweza kutangaza habari na tunaweza kujifunza kutokana na ripoti hizi na tunaweza kuendelea kuboresha mchakato wa uchaguzi.", amesema Jega.

 

Wasimamizi wa uchaguzi wakiwahakikika wapiga kura kabla ya kupiga kura zao.

Wachambuzi wa mambo wanasema ushindani ni mkubwa sana kiasi cha kushindwa kutamka mshindi ni nani. Ujumbe wa waangalizi kutoka Umoja wa Afrika umesema uchaguzi ulikuwa wa amani lakini wamewataka wananchi wa Nigeria kukubali matokeo.

Uchaguzi nchini Nigeria umefanyika Jumamosi na Jumapili, ambapo wagombea wawili wa kiti cha urais, Rais Goodluck Jonathan wa chama tawala cha PDP na Muhammud Buhari kutoka chama cha upinzani cha APC na ambaye katika miaka ya nyuma amewahi kuwa kiongozi wa nchini hiyo wakati wa utawala wa kijeshi wanachuana vikali kuwania kiti hicho.

HATMA YA MPANGO WA IRAN WA NYUKLIA ! ..>>

Mazungumzo kuhusu mpango tata wa Iran wa nyuklia yameendelea nchini Uswisi, kwa kuwasili mawaziri wa mambo ya nje kutoka mataifa sita yenye nguvu duniani.

Kiongozi wa mazungumzo wa Iran Abbas Araqchi amesema makubaliano yanawezekana-- lakini mazungumzo yakjo katika hatua ngumu na bado kuna mambo ya kutatua.
Waziri wa mambo ya nje wa Uingereza Philip Hammond pia amesema anaamini makubaliano yatafikiwa lakini yatatakiwa kuhakikisha Iran haipati uwezo wa kutengeneza bomu la nyuklia.

Mazungumzo mjini Lausanne yataendelea leo kabla ya siku ya mwisho ya kufikiwa mkataba wa muundo wa mazungumzo hayo hayo kesho, Jumanne.

Maafisa wa Marekani wanasema bado kuna kutokubaliana kuhusu namna ya kuiondolea Iran vikwazo, na namna itakavyokuwa huru kuendeleza utafiti wa nyuklia."tupo hapa kwa sababu tunaamini mkataba unaweza kufanyika. Ni kwa masilahi ya kila mmoja kuona mkataba unafanyika. Lakini unatakiwa kuwa mkataba ambao unaizuia Iran kupata uwezo wa kutengeneza bomu.

Hakutakuwa na maelewano kuhusu hilo. Kwa hiyo iwapo tutafanikisha hili katika saa chahche zijazo, Iran itatakiwa kupata ahueni na kuchukua maamuzi magumu kuhakikisha kwamba mambo yanayoleta ugumu katika suala hilo yanatatuliwa. Ni matumaini makubwa kwamba tutafanikiwa katika saa zijazo."Amesema Bwana Hammond.

 

Frank Walter Steinmeir waziri wa mambo ya nje wa Ujerumani

Waziri wa mambo ya nje wa Ujerumani, Frank Walter Steinmeier, ametoa tathmini yenye kutia matumaini kuhusu mazungumzo hayo lakini ameonya kuwa yanaweza kuleta mvutano. "Kwa sasa vizuri sana, lakini, lakini hili linaweza kubadilika kwa sababu ya tofauti ambazo hazijaweza kupatiwa ufumbuzi kwa upande wetu lakini tunakaribia karibu zaidi katika saa chache zijazo. Siwezi kutupilia mbali na hili daima imekuwa kawaida katika mazungumzo kama haya ambako maslahi ni makubwa na katika hali ambayo tunahisi tunawajibika si tu kwa upande wetu lakini kwa wote ambao hawapo katika mazungumzo- Siwezi kutupilia mbali kwamba kutakuwa na mgogoro zaidi katika mazungumzo haya."

www.tutokevipi.blogspot. com

VIJANA WAKIGOMBEA BWANA .. COCO .. KOKONI .. HAYA !DYU

AL SHAABAB WAUA WATU 10 HOTELINI SOMALIA ..>>

 

 

Kundi la wapiganaji linaloshukiwa kuwa sehemu ya wanamgambo wa Al Shaabab , limevamia hoteli moja katika mji mkuu wa Somalia Mogadishu.

Wanajeshi wa serikali ya Somali wanaendelea kupambana na wanamgambo hao waliojihami kwa vilipuzi na bunduki za rashasha.
Watu 10 wameripotiwa kuuawa katika uvamizi huu.

Kwa mujibu ya walioshuhudia wapiganaji hao wa Al Shabaab walishambulia hoteli ya Maka al-Mukarama mjini Mogadishu moja katia ya hoteli maarufu mjini humo ambayo inapendwa na wengi wa wafanyikazi wa kimataifa na mabalozi.
Aidha balozi wa Somalia nchini uswisi Yusuf Bari Bari alinusurika kifo baada ya kukwepa kupitia dirishani.

Watu 10 wameripotiwa kuuawa katika uvamizi hu

Kikosi maalum cha kupambana na uvamizi wa aina hiyo kinaendelea kukabiliana na wapiganaji hao ambao wanasemekana kuwa wamebanwa katika orofa ya juu ambapo sasa wanarusha grenedi na kufyatua risasi kwa yeyote anayeonekana kuwavizia.
Afisa wa Polisi anayeongoza operesheni hiyo meja Ismail Olow ameiambia shirika la habari la Reuters kuwa kati ya wavamizi 9 waliotekeleza mashambulizi haya 6 tayari wameshauawa.
Kundi la Al Shaabab limekuwa likitekeleza mashambulizi ya aina hii katika hoteli zinazosifika kuwa mahala pa burudani kwa wageni na viongozi mashuhuri serikalini.
Shambulizi hili la leo linafuatia lingine lililoanza kwa bomu yapata mwezi mmoja uliopita nje ya hoteli hiyo.

RAIA WA NIGERIA KUAMUA RAIS WAO LEO ..>>

 

 

Mamilioni ya wapiga kura hii leo wanapiga kura nchini Nigeria kwenye uchaguzi ambao unaonekana kuwa wa kinyang'anyiro kikali tangu kumalizika kwa utawala wa kijeshi mwaka 1999.

Rais wa sasa Goodluck Jonathan anakabiliwa na upinzani mkali kutoka kwa kiongozi wa zamani wa kijeshi Muhammadu Buhari ambaye alimshinda wakati wa uchaguzi wa urais miaka minne iliyopita.
Uchaguzi huo uliahirishwa kwa wiki sita kutokana na harakati za kundi la Boko Haram kaskazini mashariki mwa nchi.

Siku ya ijumaa jeshi la Nigeria lilisema kuwa liliharibu makao makuu ya Boko Haram kwenye mji mkuu wa Gwoza.
Mwandishi wa BBC anesema kuwa kuna hofu ya kutokea kwa mashambulio ya boko haram wakati wa uchaguzi .