FIFA KIKAO CHA DHARURA ...>>>

Rais wa Shirikisho la soka duniani FIFA, Sepp Blatter, ameongoza kikao cha dharura cha wanakamati wakuu wa shirikisho hilo huko Zurich Uswisi.

Kikao hicho kinafuatia hatua ya kukamatwa kwa maafisa 7 wakuu na polisi huko Zurich Uswisi kwa tuhuma za ufisadi.

Blatter anakabiliwa na shinikizo la kujiuzulu uongozi wa FIFA.

Hata hivyo FIFA inasema kuwa kura za kumchagua rais mpya zilizoratibiwa kufanyika kesho zitaendelea mbele.

 

 

Mfumo wa utawala wa shirikisho la soka duniani FIFA

Waziri mkuu wa Uingereza David Cameron amemtaka Blatter ajiuzulu.
Hata hivyo rais wa Urusi Vladimir Putin amemuunga mkono bwana Blatter akisema bila shaka hizo ni njama za Marekani za kumtaka Blatter asiwanie tena uongozi wa FIFA.

Wakati huohuo Mmoja ya wafadhili wakuu wa kombe la dunia anasema kuwa huenda akalazimika kutathmini upya ufadhili wake kwa FIFA ikiwa hatua za haraka hazitachukuliwa kurejesha hadhi ya mchezo wa kandanda.

Taarifa kutoka kwa kampuni ya VISA inatolewa kufuatia visa vya kukamatwa kwa maafisa 7 wa vyeo vya juu wa FIFA kwa madai ya ulaji rushwa.

 

Blatter anakabiliwa na shinikizo la kujiuzulu uongozi wa FIFA.

Wafadhili wengine nao wametoa maoni yao.

Kampuni ya Coca-Cola ilisema kuwa madai hayo yamechafua hadhi ya kombe la dunia huku kampuni ya magari ya Hyundai ikisema ina wasiwasi wa kesi zinazowaandama maafisa wa FIFA.

Blatter anawania muhula wake wa tano kama rais wa FIFA katika uchaguzi ulioratibiwa kufanyika hapo kesho.

 

SEREKALI ISIJIINGIZE KWENYE KUDIDIMIZI UHURU WA VYOMBO VYA HABARI ....!!

         

Serikali inakusudia kuwasilisha bungeni, miswada miwili ya Haki ya Kupata Habari na ule wa Huduma za Vyombo vya Habari ili iweze kupitishwa kuwa sheria.

Wadau wa habari, ambao wamekuwa wakipigania kupata sheria itakayowapa uhuru wa kukusanya, kuandika na kusambaza habari kwa kuzingatia maslahi ya taifa, watafurahi kuona rais wao anasaini, kuwa sheria, miswada yenye maudhui rafiki, lakini si kama ilivyo kwa miswada hii miwili.

Harakati za wadau wa habari zilianza katikati ya miaka ya 1990, kupigania chombo huru cha kusimamia wanahabari ambacho ni Baraza la Habari Tanzania (MCT) na itungwe sheria mpya itakayotoa uhuru wa habari.

Baadaye walijikusanya na kuandaa miswada miwili; mmoja ni wa Haki ya Kupata Habari na wa pili ni wa Huduma za Vyombo vya Habari na wakawasilisha serikalini. Serikali ilipokea miswada hiyo na iliahidi kuiwasilisha bungeni, kwa mara ya kwanza mwaka 2007.

Hata hivyo, haikuwasilisha miswada hiyo, badala yake ilianza kuhangaika kutunga vipengele vya marekebisho ya sheria ya magazeti ya mwaka 1976 na sheria ya utangazaji ya mwaka 1993 kuongeza vifungo, faini ya mamilioni ya shilingi na kesi zilizofunguliwa dhidi ya mwanahabari aliyeshitakiwa kwa kuandika habari za kashfa ziharakishwe kusikilizwa. Wabunge walikataa marekebisho hayo wakataka Serikali iwasilishe sheria nzima kama ilivyokubaliwa na wadau wa habari.

Katika namna inayoshangaza, baada ya danadana za muda mrefu, Serikali iliwasilisha miswada hiyo katika Bunge la Februari ijadiliwe, chini ya hati ya dharura. Wadau wa habari walijiuliza, kwa nini Serikali iwasilishe miswada hiyo kwa dharura? Kwa nini iwasilishe miswada hiyo bila kuwapa wadau fursa ya kujadili maudhui yake? Je, Serikali inaogopa nini kukutana na wadau wa habari kujadili miswada hiyo?

Kumbe Serikali iliingiza vipengele ambavyo si rafiki kwa wadau wa habari kwani badala ya kukuza uhuru na maadili ya habari vinakandamiza uhuru na kupora haki yao kama ilivyoainishwa katika Ibara ya 18 ya Katiba.

Katika miswada hiyo, imependekezwa: Kiwango cha elimu kwa mwanahabari kiwe shahada ya kwanza; mtu haruhusiwi kumiliki vyombo vingi vya habari; mwandishi atakayepatikana na kosa faini Sh20 milioni au kifungo kisichopungua miaka mitano au adhabu zote mbili kwa pamoja kwa mshitakiwa atakayethibitishwa na mahakama kutenda kosa.

Vilevile, imependekezwa vyombo vya habari vya binafsi kutakiwa kujiunga na Shirika la Utangazaji Tanzania (TBC) saa 2.00 usiku kila siku kwa ajili ya taarifa ya habari. Vipengele hivi ni vizito na havifai.

Ni jambo zuri kwa mwanahabari kuwa na elimu nzuri ili aweze kuwa na umilisi wa kazi yake ya kuhabarisha na kuelimisha jamii, lakini tunajiuliza kwa nini sharti la elimu ya juu liwe kwa wanahabari tu na siyo kwa walimu, mahakimu, na viongozi? Kwa nini Serikali inatunga sheria kuvibana vyombo vya habari vya hapa nchini na siyo vya kimataifa?

Kwa nini mkazo wa adhabu usiwe kwa mafisadi, wabadhirifu wa mali ya umma badala yake Serikali imewalenga wanahabari? Kwa nini Serikali imevizia dakika za mwisho na kuanzisha mgogoro na wadau wa habari tena kipindi hiki cha kuelekea uchaguzi mkuu?

Tunawaomba wabunge, wapitie miswada hiyo kwa umakini, waisome na kukataa vipengele vyote ambavyo havitoi afya njema kwa tasnia ya habari. Wanahabari wanahitaji uhuru na jamii inataka uhuru kwa kusoma na kusikia habari wanazotaka kutoka vyombo binafsi bila kulazimishwa kwa sheria.

MAREKANI YATUMA KIRUSI CHA KIMETA (ANTHRAX) KWA MAKOSA ....???>>>

  

Maafisa 22 waliogusana na zana hiyo ya kimeta katika kambi ya Osnan Korea Kusini wanachunguzwa

Maafisa wakuu katika idara ya ulinzi ya Marekani wamekiri kuwa chembechembehai za ugonjwa hatari wa Kimeta zilitumwa kimakosa kwa kambi 9 za kijeshi nchini Marekani na moja nchini Korea Kusini.

Kulingana na makao makuu ya ulinzi nchini Marekani sampuli za chembechembehai za Kimeta zilidhaniwa kuwa zimekufa na hivyo zikatumwa kutumia njia ya usafirishaji mizigo ya umma kimakosa.

Chembechembe hizo za kimeta zilikuwa zimenuiwa kutumika katika mazoezi ya shambulizi la zana za kibaiolojia zakijeshi katika kambi za mazoezi.

Wandani wa maswala ya zana za kibayolojia wanasema kuwa kungetokea maafa makubwa iwapo chembechembe hizo za kimeta zingeachiliwa nje ya maabara maalum ya kibayolojia.

Maafisa wa serikali ya Marekani walioko Korea Kusini wameripoti kuwa takriban watu 22 waliogusana na zana hiyo katika kambi ya kijeshi ya Osnan wanachunguzwa.

 

Kimeta ni hatari ikinuswa au ikiliwa.

Hadi sasa hakuna kati yao aliyeonesha dalili za maambukizi ya ugonjwa huo hatari.
Wakati ukweli ulipobainika mahabara na vituo vya kijeshi vilifungwa.

Kimeta ni hatari ikinuswa au ikiliwa.

Ni silaha inayoweza kutumiwa wakati wa vita vya kemikali.

 

Kiingilio cha Kambi ya Utah iliyotuma chembechembe za kimeta kimakosa

Makao makuu ya kijeshi ya Pentagon yanasema kuwa haijulikani ni watu wangapi wanaokabiliwa na hatari hiyo nchini Marekani.

Hadi uchunguzi ukamilike, hakuna bacteria zozote za kimeta zinaweza kusafirishwa kutoka Marekani.

Kambi za kijeshi zilizoathirika ni Texas, Maryland, Wisconsin, Delaware, New Jersey, Tennessee, New York, California na Virginia.

Kufikia sasa watu wanne pekee wanachunguzwa nchini Marekani

SEREKALI IACHE KUWASHUSHA THAMANI VIJANA ...!! Dr. MENGI

MWENYEKITI Mtendaji wa Makampuni ya IPP, Reginald Mengi ameitaka Serikali kuacha kuwashusha thamani vijana kuwa hawawezi kufanya jambo lolote.
Alisema badala yake itekeleze sera ya uwezeshaji kwa vitendo kama njia ya kuwakwamua katika lindi la umaskini.

Mengi alikuwa akizindua mradi wa ‘Airtel Fursa’ Dar es Salaam jana, ambao unaendeshwa na kampuni ya mawasiliano ya Airtel Tanzania kuwasaidia vijana kukuza na kuanzisha biashara.

                                                        

Alisema vijana wengi wamekuwa hawajiamini tatizo ambalo ni kubwa kwa Watanzania wote kutokana na mfumo uliowekwa na viongozi wa Serikali kwa ujumla.
“Serikali ilianzisha sera ya uwezeshaji kwa vijana lakini cha kushangaza tangu mwaka 2004 hadi sasa hakuna chochote kilichotendeka, viongozi hao hao wamewaweka vijana namba mbili badala ya kuwa kuwaweka namba moja.

“Ni jambo la kushangaza kuona viongozi haohao badala ya kuwasaidia vijana wawe namba moja wanabakia kuwaweka namba mbili kwa kusema ‘hamna uthubutu wala hamna fedha’.

“Nataka kila kijana badala ya kusema nataka kuwa tajiri kama Mengi, aseme nataka kuwa tajiri zaidi ya Mengi, pia badala ya kusema siwezi, au haiwezekani, aseme naweza, na inawezekana. Hii ndiyo mbinu ya mafanikio,” alisema.

Mwenyekiti wa Bodi ya Airtel, Balozi Juma Mwapachu, aliwataka vijana kuchangamkia fursa zinazotolewa na kampuni hiyo ili kujikwamua na umaskini.

Alisema vijana sasa wanapaswa kutazama kwa mapana na kuona fursa ambazo zinaweza kuwasukuma katika maendeleo badala ya kusubiri kuletewa kila kitu na serikali.

Mkurugenzi Mkuu wa Airtel, Sunil Colaso, alisema mradi huo wa fursa una lengo la kuwanufaisha vijana wenye umri kuanzia miaka 18 hadi 24.

TONNY BLAIR AJIUZULU UJUMBE WA UMOJA WA MATAIFA ...!

Waziri Mkuu wa zamani wa Uingereza, Tony Blair.

Waziri Mkuu wa zamani wa Uingereza, Tony Blair ametangaza kujiuzulu nafasi ya Ujumbe wa Umoja wa Kimataifa kwenye kamati inaoshughulikia usuluhishi wa migogoro ya Mashariki ya Kati Quartet. Migogoro hiyo inahusisha nchi ya Israel na Palestina nafasi ambayo ameitumikia kwa kipindi cha miaka nane tangu mwaka 2007 akiwakilisha pande nne yaani Marekani, Russia, Umoja wa Ulaya na Umoja wa Mataifa.
Blair alimwandikia barua katibu mkuu wa Umoja wa Mataifa Ban Ki-Moon kuhusu kujiuzulu kwake na kuahidi kusaidia Jumuiya ya Kimataifa katika kazi zinazohusu Israel na Palestina katika siku zijazo.

Vyanzo vya habari vilivyokaribu na Blair vinasema, ataendelea kuwepo akijihusisha na baadhi ya shughuli na eneo hilo. Watoa habari hao wanasema kuwa waziri mkuu huyo wa zamani anaamini kuwa mtazamo mpya unahitajika.

Lakini wakosoaji wanasema Blair alipambana katika jukumu ambalo lilikuwa na mipaka katika maendeleo ya kiuchumi na ameshindwa kuleta matokeo chanya.
Ofisa mmoja wa Palestina amemlaumu Blair kwa kufanya kazi kwa upendeleo ili kuwaridhisha Waisrael na Marekani.

Kamati hiyo ya Umoja wa Kimataifa inaoshughulikia migogoro ya Mashariki ya Kati unaundwa na UN, EU nchi ya Marekani na Urusi.

BURUNDI YAKUMBWA NA NJAA...>>!

                       

HALI ya njaa imeikumba Burundi hasa katika mji mkuu wa Bujumbura baada ya wasafirishaji wa mazao kusimamisha huduma yao kuhofia usalama wao.

Kutokana na hali hiyo Serikali imekuwa ikihaha kuwaomba wananchi hasa waliokimbia wa mikoa ya milimani ya Makamba na Ngozi kurejea nchini humo waendelee na kilimo.

Akizungumza na MTANZANIA jana, mkazi wa Bujumbura ambaye jina lake linahitafadhiwa kwa sababu za usalama, alisema kwa wiki moja sasa huduma muhimu za vyakula zimekuwa adimu nchini humo.
“Hali imekuwa ni mbaya na sasa nchi inakabiliwa na njaa na hatujui la kufanya, fedha zipo lakini bidhaa hakuna hasa chakula, yakiwamo mahindi na mchele.

“Awali tulikuwa tukipata chakula bila tatizo nchi ilipokuwa imetulia lakini tangu yalipoingia machafuko ya kupinga hatua ya Nkurunziza (Pierre, Rais) kuwania urais kwa muhula wa tatu, tunaoana nchi ilipofika sasa,” alisema mkazi huyo wa Bujumbura.

Juzi, Rais Nkurunziza alifanya ziara ya kushtukiza katika mpaka wa Kagunga nchini Tanzania na Burundi na kuwataka warundi wasiikimbie nchi yao akisema kwa sasa ina amani.

Pia aliwataka wananchi kuchangia gharama za kuendesha uchaguzi wa nchi hiyo baada ya wahisani kusimamisha misaada yao kwa Burundi.

Nchi hiyo imekumbwa na machafuko kwa wiki kadhaa sasa ambako waandamanaji wakiwa wakipambana na polisi wakipinga hatua ya Nkurunziza kutaka kugombea urais kwa muhula wa tatu.
Wanasema kitendo hicho ni kukiuka katika ya nchi hiyo inayotamka mtu atagombea urais kwa vipindi viwili tu.

Lakini Nkurunziza na chama chake cha CNDD-FDD amekuwa akidai kwamba hicho kitakuwa kipindi chake cha pili kuchaguliwa na wananchi kwa sababu katika muhula wa kwanza alichanguliwa na Bunge.

FRIENDS R 4EVR ... WEMA NA KAJALA SWAAAFII .....>>>

KWELI dhamira inauma! Staa mkali wa sinema za Bongo, Kajala Masanja ameamua kukifungua kinywa chake na kusema kuwa anamwomba msamaha zilipendwa wake katika urafiki, Wema Isaac Sepetu kwa mabaya yote aliyomtendea, Amani linakupa zaidi. 

Staa mkali wa sinema za Bongo, Wema Sepetu.

Akizungumza katika mahojiano maalum na  mapaparazi wetu mapema wiki hii jijini Dar, Kajala alisema hata kama kuna chuki ya ukubwa kwa kiasi gani baina yao lakini Wema atabaki kuwa mtu muhimu sana katika maisha yake mpaka atakapoaga dunia!

“Najua mimi na Wema hatuko sawasawa. Lakini namwomba anisamehe sana. Naumia kila siku. Yeye ni mtu muhimu sana katika maisha yangu. Atambue hilo,” alisema Kajala.
ATAJA UMUHIMU
WA WEMA
Akizungumzia umuhimu wa Wema kwake, Kajala alisema:
“Kwanza iweleweke kwamba, namchukulia ni mtu muhimu kwa vile hakukuwa na mwingine wa kunitolea zile shilingi milioni 13 kule mahakamani (Kisutu).“Bila Wema  mimi leo hii ningekuwa natumikia kifungo cha  miaka 7 jela, lakini kutokana na huruma yake alinisaidia hivyo ataendelea kuwa mtu muhimu sana kwangu.”
TATTOO YAKOLEZA
Staa huyo alikwenda mbele zaidi kwa kusema kuwa, baada ya kunusurika na kifungo kwa Wema kumlipia fedha hizo alijichora tattoo yenye jina la Wema eneo la mgongoni juu, akasema:
“Tattoo ya jina la Wema,  niliyojichora inadhihirisha wazi haiwezi kufutika daima na daima na hiyo inaonesha kuwa ni jinsi gani Wema yupo ndani ya moyo wangu.”

Staa mkali wa sinema za Bongo, Kajala Masanja.

ATAMANI WAENDE NJE YA DAR

Kajala aliongeza kuwa kuna wakati anatamani yeye na hasimu wake huyo waende mbali kabisa na Jiji la Dar, hata visiwani ambapo hakuna watu wanaowazunguka ili wakazungumzie tofauti zao na kila mmoja akaeleza makosa yake kwa mwenzake na wakawekana sawa.

Staa huyo aliongeza kuwa kipindi cha sasa ni cha wanawake kushirikiana na kuleta maendeleo na siyo kuyajenga  mabifu siku hadi siku kitu ambacho si sahihi kabisa na hawawezi kuendelea hata siku  moja.
“Ninachojua mimi mabifu hayaleti maendeleo hata siku moja, badala yake yanarudisha nyuma kitu ambacho siyo kizuri, hasa kwa sisi wanawake tunaotakiwa tujitume siku hadi siku ili kujikwamua na maisha magumu. “Kikubwa ni kusameheana ili tuweze kukutana na kufanya kazi kwa bidii tulete mabadiliko katika tasnia yetu ya Bongo Movies,” alisema Kajala.

 
KAJALA AKITANGULIA KUAGA DUNIA
Kajala: “Na ili kuonesha kuwa niko tayari kwa amani na Wema, siku ikitokea mimi nikaaga dunia basi rafiki yangu kipenzi Wema asiache kuja makaburini kunizika.”

WEMA ASAKWA ASEME NENO

Juzi saa nne asubuhi, Amani lilimtafuta Wema kwa njia ya simu ili azungumzie kauli ya Kajala lakini hakupatikana mara moja hewani hata pale alipofuatwa nyumbani kwake, Makumbusho-Kijitonyama, hakupatikana baada ya watu wake wa karibu kusema alikuwa bado amelala.

Hata hivyo, katika mahojiano kwenye kipindi cha redio moja ya jijini Dar hivi karibuni, Wema aliulizwa swali kuhusu uhusiano wake na Kajala ambapo alisema aliwahi kumfuata siku za nyuma baada ya kumkosea na kumwambia ‘laivu’ lakini yeye (Kajala) akaenda kuyasema kwingine tena vitu vingine kabisa na si vile alivyomwambia.“Kuhusu kupatana nasikia kuwa ameposti kwenye mitandao anataka tupatane. Mimi milango iko wazi,” alisema Wema.

Mama Kajala.

CHANZO CHETU
 
Chanzo chetu kimoja kilizungumza na Amani na kusema: “Tatizo la Kajala ni staili anayoitumia kuomba msamaha. Si vizuri aseme kwenye mitandao yeye anatakiwa kutafuta wakubwa ambao watawaweka chini na kuzungumza nao. Tena basi Timu Kajala na Timu Wema wamebariki wapatane. Na wazazi wao wameombwa wasiwaingilie kwenye uamuzi wao.”

WIZ KID NDIE ALINITOA SILDI ....>>!!

  
MAMA wa mtoto wa  mwanamuziki Wizkid wa Nigeria aitwaye, Sola Ogudugu, amefichua kwamba mara yake ya kwanza kufanya mapenzi ni pale alipokutana na mwanamuziki huyo.

Sola Ogudugu akiwa na mwanaye.

Ogudugu alifichua hilo akiongea na gazeti la Ynaija hivi karibuni, ambapo aliendelea kusema kwamba baada ya kufanya naye mapenzi mara moja hakufahamu kwamba tayari alikuwa na ujauzito ambao haukuufahamu hadi miezi kadhaa ilipopita.

Alisema alipogundua ana ujauzito alichanganyikiwa, kwani alikuwa katika mwaka wa mwisho wa masomo yake chuo kikuu. “Kwa kweli nilichanganyikiwa sana.  Nilikosa furaha.  Wewe fikiria unapokuja kugundua baada ya muda mrefu kwamba una ujauzito!” alisema Ogudugu.

UKAWA WAMSHIKA PABAYA MAGUFULI BUNGENI ....>>

                             

UMOJA wa Katiba ya Wananchi (Ukawa) ‘umemshika pabaya’ Waziri wa Ujenzi, Dk. John Magufuli kutokana na ukubwa wa deni linalodaiwa na wakandarasi.
Deni hilo limesababisha wabunge kutaka ufafanuzi wa kina kuhusu deni ambalo linazidi bajeti ya miradi ya maendeleo kwa mwaka wa fedha 2015/2016.
Akiwasilisha Maoni ya Kambi ya Upinzani bungeni jana, Msemaji wa Upinzani katika wizara hiyo, Felix Mkosamali alimtaka Dk. Mgufuli kulifafanulia Bunge madeni ambayo yamefikia Sh bilioni 800.

Alisema katika mwaka wa fedha 2015/16, wizara hiyo imetenga bajeti ya maendeleo Sh bilioni 890.57 kwa taasisi zilizo chini yake wakati deni ni Sh bilioni 800.
“Mheshimiwa Spika, licha ya wizara hii kuwa na kelele na mbwembwe nyingi ukweli ni kwamba madeni ya wizara yanazidi fedha za maendeleo tunazopitisha katika Bunge lako tukufu,” alisema Mkosamali.

Mkosamali ambaye pia ni Mbunge wa Muhambwe (NCCR-Mageuzi), alitoa mfano kuwa bajeti ya 2014/15, wizara ilikuwa na madeni yanayofikia Sh bilioni 760 huku bajeti ya maendeleo kwa wizara na taasisi zake zikiwa Sh bilioni 762.
Alisema huo ni ushahidi wizara hiyo haikuwa na fedha za maendeleo kwa mwaka wa fedha 2014/2015.
Kivuko Dar-Bagamoyo
Kuhusu kivuko cha Bagamoyo, Mkosamali aliliomba Bunge kuunda tume huru ya kuchunguza ununuzi wa kivuko hicho kwa sababu ni kibovu, licha ya kununuliwa kwa bei kubwa.
“Mheshimiwa Spika, ni jambo la ajabu kivuko hiki kimenunuliwa kwa takribani Sh bilioni nane, kinabeba abiria 300 kinatumia saa tatu kutoka Dar es Salaam kwenda Bagamoyo na kurudi mara moja tu kwa siku.
“Hali hii imechangia kivuko hiki kukosa abiria na hivyo wananchi wanaona afadhali kupanda daladala kuliko kivuko kinachotumia saa tatu.
Alisema kambi yake imebaini Dk. Magufuli amekuwa akiaandaa bajeti ndefu kuwachanganya wabunge huku akiunganisha barabara zilizojengwa miaka 1980 na 1990 kama vile zimejengwa leo.
KAPUYA
Naye Makamu Mwenyekiti wa Kamati Miundombinu, Profesa Juma Kapuya alisema wakati wanachambua utekelezaji wa bajeti ya wizara hiyo kwa mwaka2014/15 na makadirio ya 2015/16, walijulishwa kuwapo madeni makubwa ya wakandarasi na wahandisi washauri wa barabara ambayo yamekuwa yakiongezeka.
“Mheshimiwa Spika, kuendelea kulimbikiza madeni haya kunasababisha hasara mbalimbali kwa Serikali ikiwamo ongezeko la riba, kazi kufanyika kwa muda mrefu na wakandarasi wadogo kufilisika,”alisema Profesa Kapuya.
Trillioni 4/- Dar
Awali akiwasilisha bungeni mpango wa makadirio ya mapato na matumizi wizara yake kwa mwaka 2015/16, Waziri wa Ujenzi Dk. John Magufuli alisema aliisema miradi yote iliyopangwa kutekelezwa na wizara yake itakapokamilika itagharimu Sh trilioni 4.394.
Waziri alisema sehemu ya barabara ya Dar es Salaam –Chalinze imepangwa kujengwa kwa kiwango cha barabara sita na itatekelezwa kwa utaratibu wa ubia kati ya Serikali na sekta binafsi (PPP).
“Mheshimiwa Spika, suala la kupunguza msongamano wa magari katika Jiji la Dar es Salaam ni suala mtambuka linalohusisha wizara na mamlaka mbalimbali zikiwamo halmashauri za Jiji.
“Maandalizi ya ujenzi barabara ya njia sita ya Dar es Salaam – Chalinze – Morogoro (kilomita 200) sehemu ya Dar es Salaam – Chalinze (kilomomita 100) imepangwa kujengwa kwa kiwango cha “Expressway”. Maandalizi ya mradi huu utakaotekelezwa kwa utaratibu wa ubia baina ya Serikali na Sekta Binafsi (Public Private Partnership – PPP) yameanza.
Kuhusu ujenzi wa daraja jipya la Selander, Dk. Magufuli alisema lengo kuu ni kupunguza msongamano wa magari katika eneo la Selander na Serikali ya Korea Kusini imekubali kuipatia Tanzania mkopo wa masharti nafuu kwa ajili ya ujenzi huo.
Alisema daraja hilo pamoja na barabara zake za maingilio litakuwa na urefu wa kilomita 7.2 na litaanzia eneo la Koko Beach kupitia Kenyatta Drive na kuingia baharini na kisha kuungana na barabara ya Barack Obama eneo la Hospitali ya Aghakan na utagharimu Sh bilioni 197.5.
Magufuli alisema katika kipindi cha miaka 10 Serikali ya awamu ya nne chini ya Rais Jakaya Kikwete, imejenga barabara zenye urefu wa zaidi ya kilomita 17,762.
Wabunge
Baadhi ya wabunge wameshangazwa na hatua ya Serikali kutenga bajeti ya Wizara ya Ujenzi isiyo halisi huku wengine wakipatwa na wasiwasi iwapo miradi mipya ya barabara itatekelezwa mwaka huu.
Katika michango yao bungeni jana, wabunge hao walisema wizara hiyo imezidiwa na madeni ya wakandarasi kutokana na Serikali kushindwa kutoa fedha na nyingine kutumiwa vibaya.
Mbatia
Akichangia bajeti hiyo, Mbunge wa Kuteuliwa, James Mbatia (NCCR-Mageuzi), alisema bajeti hiyo ni kiini macho kutokana na kuzongwa na madeni makubwa ya wakandarasi.
“Wizara hii inadaiwa na wakandarasi deni la Sh bilioni 850 hadi bilioni 900 kuliko fedha zinazoombwa, hivi nyinyi mtafanyaje kazi kwa bajeti hii?
“Mwaka jana mfuko wa barabara ulitengewa Sh bilioni 600, lakini fedha hukupewa zote… Serikali hapa imevunja Katiba, ibara ya 135 inaeleza kuwa fedha zinazotengwa kwa kazi fulani zinapaswa kutumika kwa kazi husika.
“Wapo wakandarasi wanne wamepoteza maisha kutokana na kutolipwa madeni yao, hivi kweli hadi imefikia mahali wananchi wetu wanapoteza maisha kwa sababu ya madeni ya Serikali,” alisema.
Msigwa
Mbunge wa Iringa Mjini, Mchungaji Peter Msigwa (Chadema) alisema mkoani Iringa pekee wakandarasi wanaidai Serikali mabilioni ya shilingi jambo ambalo limeathiri hadi maisha ya mama lishe.
“Mimi nashangaa, sisi wabunge tunakwenda nje ya nchi tunaona barabara za wenzetu. Hizi barabara za wenzetu ni sawa na hizi za kwetu? Mbona tunajitoa fahamu, tuache kujikombakomba kwa vitu visivyokuwa na maana.
“Dar es Salaam ni jiji la mfano lakini miaka 30 imepita jiji halina master plan (mipango miji), eti wabunge wengine wanalinganisha barabara zetu na zile za Dubai, jamani tuache hizo.
“Hizi barabara zetu ni za kwenda migombani, huwezi kulinganisha barabara hizi na zile tunazoziona katika nchi za wenzetu, huwezi kujisifia kwa barabara ambazo ni disposable (za muda),” alisema.
Msigwa aliishangaa Serikali kununua Kivuko cha Bagamoto Dar es Salaam kwa gharama kubwa huku kikijiendesha kwa hasara.
“Kwa kivuko hiki mtu anaweza kwenda Zanzibar kutoka Dar es Salaam na kurudi mtu aliyetoka Bagamoyo hajafika Dar es Salaam. Kivuko kinatumia saa tatu nauli Sh 1500 kwa safari moja Serikali inapata Sh 450, 000 wakati mafuta yanayotumika katika kivuko hicho ni Sh milioni 2.4 waziri mnafanya kitu gani?” alihoji.
Mkosamali
Mbunge wa Muhambwe, Felix Mkosamali (NCCR-Mageuzi), aliwashangaa wabunge wanaosifia Serikali badala ya kutimiza wajibu wao wa kuisimamia Serikali.
“Kuna mbunge mmoja alisimama hapa akaisifia Serikali, yaani fedha zinapunguzwa halafu mbunge anakuja hapa anasifia. Mwaka jana Serikali iliahidi kutoa Sh bilioni 10 Kigoma katika bajeti hii fedha iliyotengwa ni Sh bilioni 7, mtu anasifia,”alisema.
Sendeka
Mbunge wa Simanjiro, Christopher ole Sendeka (CCM), alisema anawashangaa wabunge ambao wanaishambulia Serikali kutokana na bajeti ndogo badala ya kushauri namna ya kupata fedha.
“Kule kwangu Simanjiro hakuna hata hatua moja ya lami, acha kilomita moja, hatua moja hakuna lakini hii haiondoi ukweli kwamba Serikali imejitahidi katika sekta ya ujenzi.
“Zipo changamoto, madeni ni mengi, fedha haziendi hivi mnategemea Maguli atafanya kitu gani? Barabara haziwezi kujengwa kwa kupiga kelele tuunganishe nguvu sote kwa umoja watu,” alisema.
Mtemvu
Mbunge wa Temeke, Abbas Mtemvu (CCM), alisema haungi mkono bajeti hiyo kutokana na tatizo la msongamano katika jiji la Dar es Salaam.
“Wananchi wa Temeke wamenituma nisiunge mkono bajeti hii na sababu ni moja tu, msongamano katika jiji la Dar es Salaam, hali ni mbaya, inatisha inatia huruma.
“Leo hii Dar es Salaam mtu anatumia saa sita kutoka kazini kwenda nyumbani kwake. Mheshimiwa Magufuli juzi ulisema asilimia 65 ya mapato inatoka Dar es Salaam, lakini hutuwatendei haki watu wa Dar es Salaam.
“Nakuomba mheshimiwa muda uliobaki ni mfupi tunaomba sana tusaidie tupate fedha kwa ajili ya barabara za ringroad (barabara za pete). Barabara nyingi Dar es Salaam hivi sasa hazipitiki kutokana na mvua na wakandarasi wamelipwa,” alisema.

MAAFISA WA SHIRIKISHO LA MPIRA LA DUNIA FIFA KATIKA RUSHWA ...>>

  

Waandishi wa Habari wakishuhudia kukamatwa kwa maafisa wa Soka nje ya hoteli mjini Zurich

Maafisa sita wa shirikisho la soka duniani Fifa wamekamatwa katika hoteli moja mjini Zurich,Switzerland. kwa tuhuma za kujihusisha na vitendo vya rushwa.

Watuhuhumiwa hao ambao wanasemekana kuwa ni pamoja na makamu wa rais wa Fifa,wanashikiliwa wakisubiri kusafirishwa kwenda Marekani.
Shutma hizo zinahusisha rushwa ya takriban kiasi cha dola za Marekani milioni 100 kwa kipindi cha zaidi ya miaka 20

Wanachama wa Fifa wanakutana mjini Zurich kwa ajili ya mkutano wao wa mwaka siku ya ijumaa, ambapo rais wa Shirikisho hilo Sepp Blatter anawania muhula wa tano.
Mwana mfalme Ali Bin Al-Hussein wa Jordan,ambaye ndiye mpinzani pekee wa Blatter amesema tukio hilo ni "baya kwa maendeleo ya soka".

Rais wa Fifa ambaye anawania muhula wa tano ndani ya shirikisho hilo, Sepp Baltter

Gazeti la New York Times limesema askari kanzu walichukua funguo za chumba cha hoteli kutoka eneo la mapokezi ya hoteli ya Baur au Lac hotel ambayo maafisa hao walikuwa wakiishi na kuingia vyumbani mwao.Gazeti hilo limesema Operesheni hiyo ilifanyika kwa utulivu.

Jeffrey Webb, Mkuu wa shirikisho la Amerika ya Kaskazini na Kati na Visiwa vya Caribbean ametajwa kuwa mmoja kati ya maafisa waliokamatwa.
Maafisa wengine wa Fifa walishuhudiwa na BBC wakisindikizwa na Polisi kutoka kwenye hoteli hiyo ni:

Mkuu wa Shirikisho la soka la Costa Rica, Erduado Li, ambaye alikuwa akitarajia kuwepo kwenye mkutano wa kamati ya Fifa siku ya ijumaa.Wengine ni rais wa shirikisho la Uruguay Eugenio Figueredo,rais wa shirikisho la soka Amerika kusini Conmebol na wa Brazil,Jose Maria Marin,mwanakamati ndani ya Fifa,Polisi walionekana wamebeba mikoba yake kwenye mifuko ya Plastiki.

Watu wengi wamekuwa wakijiuliza ni kwa vipi Blatter amekuwa Kiongozi wa Fifa kwa muda mrefu, pamoja na kuwepo kwa ripoti nyingi za vitendo vya rushwa lakini ameendelea kushikilia wadhifa huo.

Wizara ya sheria ya Uswiss imesema katika tamko lake siku ya jumatano kuwa maafisa wa serikali ya Marekani waliwashuku maafisa hao kupokea rushwa ya dola milioni 100, tangu mwanzoni mwa miaka ya 1990 kwa ajili ya michuano ya Amerika ya kati.
Serikali ya Uswiss imesema itaidhinisha haraka kusafirishwa kwao.

Mwanzoni mwa mwezi huu, Blatter alisema anafahamu baadhi ya wafanyakazi wenzake wa zamani walikuwa wakichunguzwa lakini amekanusha kuwa uchunguzi

RAIS KIKWETE: TUTAONGEZA SIKU KUMI ZA BUNGE ...! source MTANZANIA gazeti

RAIS Jakaya Kikwete amesema Serikali inafanya mazungumzo na Ofisi ya Spika wa Bunge kuongeza siku 10 za kuwasilisha miswada mbalimbali.

Kauli hiyo aliitoa juzi mkoani hapa alipofungua Mkutano Mkuu wa Chama cha Walimu Tanzania (CWT) ambao ulikuwa pamoja na uchaguzi wa nafasi za juu za chama hicho.

Akizungumza katika mkutano huo ulikuwa na wajumbe zaidi ya 1,200 ambako mke wake Salma Kikwete pia alihudhuria, Rais Kikwete alitumia fursa hiyo kuwaaga walimu hao.

 

Katika hotuba yake iliyojibu zaidi maombi ya walimu, Rais Kikwete aliwaambia Serikali inaendelea na mazungumzo ya kuongeza siku ili kuwasilisha bungeni Muswada wa kuanzisha Bodi ya Taifa ya Taaluma za Walimu (National Teachers Professional Board).

“Tunaendelea na mazungumzo na Ofisi ya Spika tuweze kuongeza siku 10 bungeni zitakazokuwa kwa ajili ya miswada,” alisema Rais Kikwete na kuongeza:

“Siku hizi tumepanga na Spika kwamba Serikali ndiyo itakayozigharamia. Na tutakubaliana kabisa muswada wa kwanza uwe wa kuanzishwa Bodi ya Taifa ya Taaluma za Walimu,” alisema.

Huku wakimuita shemeji, shemeji, Rais Kikwete aliwaeleza kuwa Serikali ilikwisha kupeleka bungeni Muswada wa Sheria ya kuanzisha Tume ya Utumishi wa Walimu (Teachers Service Commission) na ulikwisha kusomwa kwa mara ya kwanza.

“Ninawapenda, nimewapenda na nitaendelea kuwapenda Shemeji zangu. Kwa sababu natambua mambo yaliyowasilishwa ni ya msingi yanahitaji kufanyiwa kazi,” alisema Rais Kikwete

Awali akisoma risala ya walimu hao, Katibu Mkuu wa CWT Alhaj Yahaya Msulwa, alimuomba Rais Kikwete kabla ya kuondoka asaini kuwa sheria, Muswada wa kuanzisha Tume ya Utumishi wa Walimu (Teachers Service Commission).

Alhaji Msulwa alimueleza Rais Kikwete matatizo sugu yanayowakili walimu nchini kwa miaka mingi ambayo ni uhaba wa walimu hasa wa sayansi, madeni ya walimu na posho ya kufundishia.

BUNGE KUONGEZWA SIKU KUMI ...!!

Bunge la Bajeti lililokuwa livunjwe Juni 27, mwaka huu litaongezwa siku 10 ili kutoa nafasi ya kujadiliwa kwa miswada takriban 10 kinyume na historia yake.

Mkutano huo wa 20 wa Bunge la 10 ni wa mwisho katika uhai wa chombo hicho cha kutunga sheria kabla ya kuvunjwa, kupisha Uchaguzi Mkuu wa Oktoba.

Taarifa zilizolifikia gazeti hili na kuthibitishwa na Ofisi ya Bunge na Rais Jakaya Kikwete, zilieleza kuwa tayari makubaliano yamefikiwa baina ya Bunge na Serikali ili kuwezeshwa kufikishwa miswada hiyo katika kipindi hiki cha Bunge la Bajeti.

Akifungua Mkutano Mkuu wa Tano wa Chama cha Walimu Tanzania (CWT), juzi usiku, Rais Kikwete alisema makubaliano hayo yamekwishafanyika na miswada itakayojadiliwa mmojawapo ni wa kuanzishwa tume ya utumishi ya walimu, ambayo inawezesha walimu nchini kuwa na chombo kimoja cha kuwasimamia.

“Tayari tumezungumza na Spika wa Bunge na tumekubaliana katika kikao kinachoendelea kitaongezwa siku 10 ili kuwezesha kumaliza shughuli za serikali ikiwamo miswada,” alisema.

Chanzo kingine cha habari ndani ya Serikali kilieleza kuwa moja kati ya miswada itakayowasilishwa na Serikali ni pamoja na marekebisho ya sheria ya uchaguzi pamoja na muswada wa sheria ya vyombo vya habari. Sababu nyingine inayotajwa kuhusu kuongezwa muda kwa Bunge hilo ni Mkutano Mkuu wa Taifa wa CCM ambao ndiyo wenye jukumu la kuchagua mgombea urais wa chama hicho, ambao utafanyika kwa siku mbili kuanzia Julai 11 hadi 12.

Wabunge wote wa CCM ni wajumbe wa mkutano huo, hivyo kama Bunge litavunjwa Juni 27, 2015 watapoteza sifa za kuwa wajumbe wa mkutano huo.

Hata hivyo, Katibu wa Itikadi na Uenezi wa CCM, Nape Nnauye alipoulizwa kuhusu chama hicho tawala kuhusishwa na nyongeza ya siku za Bunge hilo alisema, “Huo ni upuuzi mwingine sasa. Vikao vya CCM vimepanga ratiba kabla hata ya huo uamuzi wa Bunge unaousema. Hakuna ukweli katika hilo.”

Waziri wa Nchi Ofisi ya Waziri Mkuu (Sera, Uratibu na Bunge), Jenista Mhagama alipoulizwa kuhusu suala hilo alishindwa kukubali wala kukataa na kutaka atafutwe Katibu wa Bunge.Tayari Chama cha Wamiliki wa vyombo vya Habari Tanzania (Moat), kimeunda timu maalumu itakayokwenda bungeni kuwashawishi wabunge wasiupitishe muswada wa sheria wa vyombo vya habari baada ya kubaini umejaa kasoro.

Muswada huo ulioandaliwa na Serikali ulitakiwa kuwasilishwa katika mkutano wa 19 wa Bunge kwa hati ya dharura bila mafanikio na tayari Rais Kikwete amesema atausaini kabla hajaondoka madarakani.

Naibu Spika, Job Ndugai alipoulizwa alisema: “Hilo jambo bado hatujakaa katika kamati ya uongozi kulijadili vizuri. Bado hatujajua Serikali inaleta miswada gani. Ila pamoja na hayo, hicho kitu (kuongeza muda) kitakuwapo.”

Aliongeza, “Unajua mikutano ya Bunge huwa ni 20 tu, bado hatujajua hicho kikao kitakachokuja kitaitwaje. Jambo hili bado ni bichi sana na huko nyuma hatujawahi kuwa na kitu kama hiki.

MSELA MWANASHERIA WA KENYA ANATAKA KUOA MTOTO WA RAIS OBAMA...! source BBC

  

Taarifa kuwa wakili mmoja wa kenya amesema yuko tayari kutoa mahari kwa mtoto wa raisi wa Marekani,Barrack Obama zimeenea duniani kote Felix Kiprono amesema yuko tayari kutoa ng'ombe 50,kondoo 70 na mbuzi 30 kwa ajili ya mahari ya mtoto wa Obama,Malia Obama.Hivyo anajiandaa kuzungumzia swala hilo na baba wa mtoto huyo atakapo tembelea Kenya ,mwezi Julai.

HOSPITAL KULIPA FIDIA KWA MAMA MJA MZITO ALIEZUIA KUPATA MIMBA ...!!

Mahakama nchini Kenya imeamuru hospitali maarufu kulipa faini ya dola zaidi ya elfu 48 kwa kushindwa kuzuia uzazi .

Jaji alibaini kuwa mmoja wa wahudumu wa hospitali ya Aghakhan alizembea katika kupachika mwilini dawa ya kuzuia utungwaji wa mimba iliyochaguliwa na mwanamke kwenye mkono wake, licha ya kwamba mwanamke huyo alifanyiwa upasuaji mdogo kwa ajili ya kuzuia uzazi. Mwandishi wetu Anne Soy anarifu zaidi kuhusu uamuzi huo wa mahakama usio wa kawaida.

Muathirika aliimbia mahakama kuwa yeye na mumewe walikuwa tayari na watoto wawili na kwamba hawakutaka kupata mtoto mwingine . Kwa hiyo kutokana na ushauri wa hospitali mama huyo alipachikiwa dawa ya kuzuia uzazi ambayo ingelimzuia kupata ujauzito kwa miaka mitatu . Lakini mwaka mmoja baadae aligundua kuwa alikuwa mjamzito .

 


Ameiambia mahakama kwamba mimba ambayo hakuipanga ilimsababishia maumivu ya mfadhaiko mkubwa , msongo wa mawazo , matatizo ya kifedha na matatizo ya unyumba. Jaji alisema kuwa mshitakiwa ambae ni Hospitali ya Aga Khan , iliwasilisha nyaraka , lakini haikuwepo mahakamani wakati wa kesi hiyo .

Kesi iliendelea na hatimae jaji aliamua kuwa mhudumu wa hospitali alizembea kazini . Aliamuru mama aliyeshitaki hospitali ya Agakhan alipwe fidia ya dola elfu tano kwa hasara iliyosababishwa na apewe malipo ya dola elfu 43,000 za gharama ya maisha mtoto tangu kuzaliwa hadi atakapotimiza miaka 18.

TUACHE UBINAFSI NA KUONEANA ITS TIME TUJENGE NCHI POROJO ZIMEZIDI TUMUUNGE MKONO LOWASSA TUJENGE NCHI ...!!

Mambo vipi rafiki ! Napenda kuutumia vizuri muda wako .. Ni hivi katika baadhi ya magazeti wanayomiliki maadui wa LOWASSA wameandika upinzani wao wa kitoto sana na uliojaa upuu...zy mf: kusema LOWASSA anataka utajiri zaidi .. hivi mnaakili au mabichwa yenu yamejaa udongo ???? Mnapandikizwa na kuoteshwa chochote na mabosi wenu na hamuwapi challenge mnakubali ujinga utawale weledi wenu wa habari acheni HIZOOO. kati ya mabo yaliyoigusa nchi kutoka kwenye kauli za LOWASSA wakati wa kuongea na wahariri ilikua ni kauli iliyoonyesha wazi anavyochukia UMASIKINI kwa roho yake na akili yote .. akionyesha hisia aliposema kwa MACHUNGU .... maneno ya kiingereza na kiswahili yenye maana ya nachukia Umasikini '' I HATE UMASIKINI '' ... Mnataka nini ?? 

Aseme nini ? Mfurahi au ataje tofauti kati yake na kijana wa jamaa ambae uongozi kaupata juzi , serekalini kaingia juzi baada ya babake kua ze pre... Na anamali za hatari kuzidi hata huyo LOWASSA aliekuapo kwenye serekali kuanzia miaka ya 70 utamwambia nini ? 

Pia LOWASSA ametoa ushuhuda wa alivyoona wenzake wanakufa katika VITA ya tz na Uganda kwa uzalendo wa nchi yao leo hii nchi haina mwenyewe kila kitu kinakwenda mrama .. man ! Mnataka nini nyie ??? Eeeh ! ?? Mnataka nini nawauliza ?? Mnataka kuua hawa watu wa mungu kwenye nchi yao kama BUEUNDI ? Acheni hizoo.. stop ! Kila siku LOWASSA .. LOWASSA .. LOWASSA acheni mnataka kutawala kimabavu au acheni Tanzania imemkubali kwa matendo yake sio kelele zenu .. hafai hafai .. nyani haoni Kund..le sio eeeh! Hamuoni tulipo sasa ? Nani wa kutuvusha basi sawa .. tuwaachie tupeni mtu safi kwenye chama chenu nani ??? Mpaka wewe uliemwandika vibaya Lowassa na wooote ni balaa kwa wiziiii .... Mnatisha all that u want ni kuendelea Kula tu ndio maana Lowassa hamumtaki mnajua atawazibia RIZKI .. napenda inukuliwe kauli ya LOWASSA .. '' SINA KINYONGO NA MTU ROHO YANGU NI NYEUPE TUCHAPE KAZI TUIJENGE NCHI '' ccm ndio chama nilichokulia kama hunitaki wewe kwenye chama hiki ONDOKA wewe .

Pia TUTOKEVIPI? Tumewahi kuhoji Je? Chama cha CCM ni cha wanachama au wanafamilia ??? Jibu toka kwa mzee ni kua ni chama cha watanzania na asiemtaka mwenzie kwenye chama asepe yeye ...

Doh ! Nimechemka kidogo .. ila 100 much love to friends
Tembelea blog yetu kwa sura mpya ! Sasa blog yetu inamuonekano mpya na ongezeko la page ya picha na video
www.tutokevipi.blogspot.com
Instagram - tweeter
TUTOKEVIPI?