BEKI WA BLACKBURN ROVERS ATUA YANGA ...>>> dyuuuu !!

Yanga imempokea beki mkongwe wa Afrika Kusini, Aaron Mokoena tayari kufanya majaribio ya kusaka nafasi ya kujiunga na mabingwa wapya Ligi Kuu Bara.

Mokoena aliyewahi kutamba na klabu za Blackburn Rovers na Portsmouth zote za England ametua jijini juzi ambapo jana alifanikiwa kuishuhudia Yanga ikitoa kipigo cha mabao 4-1 kwa Polisi Moro.

Mokoena kwa sasa hana timu amesema yuko tayari kucheza Yanga kama klabu hiyo itakubaliana naye.

“Nimekuja kuwaangalia Yanga nimewaona leo (jana) ni timu inayocheza soka safi, sijaja kufanya majaribio hapa kama Yanga wananihitaji nipo tayari kufanya vipimo na kuwafanyia kazi nimeambiwa wanashiriki mashindano ya Afrika,”alisema Mokoena.

Wakala Gibby Kelvic ndiye aliyemleta mshambuliaji wa Yanga, Kpah Sherman, alisema ameamua kumleta Mokoena kufuatia uongozi wa Yanga kumtaka kuwaletea beki mwenye uzoefu endapo watakubaliana anaweza kusaini kuitumikia klabu hiyo msimu ujao.

“Niliambiwa wanahitaji beki,nimewaletea huyu Mokoena ambaye haikuwa rahisi kukubali kuja hapa Tanzania, lakini baadaye alikubali na leo (jana) ameiona timu na akaipenda,” alisema Gibby.