WIZI WA TAARIFA ZA WAFANYAKAZI WA MAREKANI MITANDAONI ...>>>

 

Rais wa Marekani Barack Obama.

 

Jengo la Ubalozi wa China nchini Marekani.

 

Susan Collins, ambaye ni Mjumbe wa Seneta ya kiintelijensia nchini Marekani alisema, wahalifu waliotekeleza wizi huo wengi wao ni raia wa China.

Jengo la ofisi za kitengo cha Usalama wa Ndani ya nchi.

Serikali ya marekani imekumbwa na udukuzi wa mtandao wa kompyuta ambapo taarifa binafsi za mamilioini ya wafanyakazi wa serikali zimeingiliwa.

Ofisi ya Utumishi wa nchini humo imesema, takriban watu milioni nne ambao wanafanya kazi au waliwahi kufanya kazi wameathirika na udukuzi huo.

Idara ya Utumishi ya Serikali ya Marekani inayosimamisha huduma za wafanyakazi wa umma nchini humo imefanya uchunguzi wa usalama wa taarifa za wafanyakazi wake wapatao milioni nne.

Idara hiyo inasema wadukuzi hao walingilia taarifa hizo kwa njia ya mtandao tangu mwezi Aprili jambo linalofanyiwa uchunguzi na Shirika la Kijasusi la FBI.

Taarifa zote za udukuzi huo na idadi ya watu waliohusika bado haijafahamika lakini ofisa mmoja anasema kila idara ya serikali itakuwa imeathirika kwa kiasi kikubwa.

Mjumbe wa Kamati ya kiintelejensia ya baraza la Seneti imewalaumu wadukuzi kutoka nchini China kwa kuhusika na udukuzi huo.
Hii sio mara ya kwanza kwa taarifa muhimu kama kama hizo kufanyiwa udukuzi.

Mwezi Machi mwaka jana, wadukuzi walijaribu kuwadukua wafanyakazi wa serikalini ambapo pia mwezi Novemba taarifa za wafanyakazi wa Wizara ya Mambo ya Ndani wapatao 20,000 zilidakuliwa.

Taarifa zaidi kutoka wizara ya usalama nchini Mrekani zinasema kuwa, uhalifu huo umezidi sana hasa kuanzia mwanzoni mwa mwezi huu.